PURWAKARTA

PURWAKARTA

Karya: Atep Yogaswara

 

Pernahna di antara Bandung jeung Jakarta kota leutik campernik endah lir bidadari lungsur ti kahyangan

Usaha rahayatna  mawa sumanget ngawangun kota

Rancagé dina gawé salin rupa tina kota pensiunan jadi Kota Istiméwa

Wibawa Karta Raharja jadi suluk pikeun ngahontal udagan ngawujudkeun pangharepan warga

Ahéng jeung agréng Taman Air Mancur Sibaduga jadi ciri nu mandiri

Keramik Plered geus ngapung  ngawang-ngawang ka Mancanagara jadi produk pinunjul

Asih jeung nyaahna raja nagri mawa tingtrim ati tenang jiwa ka rahayatna

Rancingas dina rasa mawa carita pikeun seuweu- siwi Siliwangi terah Sunda Pajajaran

Tohaga desa jeung kota, lembur subur kota bagja, raja, resi jeung rama ngahiji samiuk sauyunan ngawangun nagri endah tur berkah

Amanah ti karuhun kudu diraksa jeung diriksa wangsit lain saukur  padalisan-padalisan nu dibaca tapi  diamalkeun pikeun bekel di alam  jaga

 

 

 Purwakarta.07.12.2019