soal

 klik di dieu

Tugas SMK Farmasi Salasa, 11/11/225

 

Tugas Klik di dieu!

Pedaran Sajak

Sajak nyaéta sastra wangun ugeran (puisi) anu teu kauger ku patokan-patokan. Sajak henteu kauger ku masa si bero padalisan (baris, jajaran) dina sapadana, jumlah engang dina unggal pada (bait) atawa sora tungtung dina unggal padalisan (jajaran) upama rék nulis sajak kudu nangtukeun jejer milih kecap nu luyu, jeung maké basa nu singget sarta jelas. Nurutkeun Kamus Umum Basa Sunda, sajak téh asalna tina basa malayu. Ari hartina, guguritan sarupaning sa'ir, tapi sapadana henteu matok opat jajar^[1]. Sajak téh mikabutuh kakuatan basa anu rohaka keur nepikeun ma'na anu dimaksud ku pangarang. Ku kituna, sajak téh kudu ngandung tilu unsur nyaéta, kecap, harti kecap, jeung sora atawa wirahma ^[2]

Dina wangun kasusastraan Sunda, Sajak téh kaasup dina katégori Sastra Modéren. Mun mapay lalakon umur tina runtuyan sajarahna, Sajak Sunda geus lumayan kolot umurna téh. Sanggeus sawatara waktu kamerdikaan nagara urang (1946) nepi ka ayeuna, "kitu sotéh mun diukur ti mimiti Kis. Ws. (Kiswa Wiriasasmita) nulis sajak", kitu pisaur Pa Abdullah Mustappa.^[3] Aya deui KTS (Kadir Tisna Sudjana) dina sastra Sunda nu nuturkeun nulis ditéma ku polémik, ngeunaan hak hirup sajak, anu harita mah dianggapna injeuman ti deungeun. Ti saprak harita, Sajak Sunda anak-baranahan nepi ka kiwari. Ku lantaran kitu, dina mangsa awal gelarna sok disebut sajak bébas,kungsi ogé disebut sanjak. Disebut bébas téh saenyana mah rélatif, nyaéta lamun dibandingkeun jeung puisi-puisi saheulaeunana, utamana upama dibandingkeun jeung dangding anu kabeungkeut pisan ku patokan guru wilangan jeung guru lagu. Saenyana mah sajak ogé mageuhan kénéh rupa-rupa konpénsi puisi, upamana lebah diksina jeung rakitan ungkarana. Ari Taufik Faturohman mah nyindekkeun yén nu disebut sajak téh nyaéta karangan ugeran anu ngébréhkeun pangalaman batin panyajakna.^[4]

Pedaran Dongeng

 

Dongeng nyaeta carita rekaan (fiksi) anu eusina pamohalan atawa teu asup akal, biasana pikeun hiburan jeung ngandung palajaran moral. Ciri-cirina sok ngawengku tokoh gaib, sato nu bisa nyarita, sarta kajadian luar biasa anu teu kajadian dina kahirupan nyata. 

• Carita rekaan: Dongeng lain carita nyata, tapi karangan anu diciptakeun ku imajinasi.
• Pamohalan: Eusina loba hal anu teu mungkin kajadian dina kanyataan, contona aya sato nu bisa ngomong atawa ayana mahluk gaib.
• Tujuan: Biasana diceritakeun pikeun ngahibur, tapi sok ngandung unsur didaktis atawa palajaran moral anu tersirat.
• Panglawungan: Dongeng bisa jadi sarana pikeun ngasah imajinasi jeung mikir, sarta nganteurkeun nilai-nilai kahirupan. 

Latihan dongeng klik di dieu!

TUKEURAN IEU SAJAK

 

TUKEURAN IEU SAJAK

Karya: Yus Rusyana

Tukeuran ieu sajak
ku salambar simbut atawa samak saheulay
heug rungkupkeun ka barudak anu teu kaburu heuay
patinggolepak dina trotoar

Tukeuran ieu sajak
ku beas wuluh atawa heucak
heug sidkahkeun ka nu haropak
anu marangkuk di saung atawa di kolong sasak

Tukeuran ieu sajak
ku sababaraha siki pelor
heug tembakeun kana genggerong
koruptor manipulator
sina enya kalojor

Tukeuran ieu sajak
ku beubeutian tina kalbu anu rido
keur nyebor anu balangsak
(lamun teu kitu sasaak)